Ñoha'anga ñanemba'éva niko hakâ mokôi, ko ñane retâ iñe'êkôigui. Oî karai ñe'êmegua ha oî avañe'êmegua. He'i um i oikuaavéva chehegui, karaiñe'êmegua ne'îraha oñembyapu'a oîgui opáichaguarei tembiapokue; opa gotyorei ojapi; ojopara porâ. Guaranimeguáva katu ndojuavyvaíri. Okaraygua ha koygua rekove mobe'úvontevoi osê. Mbovyve ramo jepe karaiñe'ême guágui ikangue mive chuchi; pya'eve ikaria'y. Ndajaroviaséiko, ha katu upéicha hína ha, anichéne rei, oméne mba'érepa ha, upéva tekotevê jaikuaa.
Ndaha'éita ramo kóicha ku vyrorei mba'e; pukarâ rei ojejapóva, térâ, ojuayhúva rekovekue, térâ mborayhu rembiapoukapy; avañe'ême oikóva ñoha'anga omombe'u tetâygua rekoteete; omopyrû yvyrape ári tapicha Paraguái oikove asýva, iporiahúva, oñemomba'apo reíva; ojehovakáva ápe ha pépe, oikóva toryjárô ha ipyahêva mburuvicha rekovai poguýpe. Tadeo Zarratea.
