Fredy Acosta ikaria'yete ojeity rehe ha omono'ó Chiríko Almáda káso, ñane ñe'éporá ojehaimeméramo péicha ikatúta ja'e hese hopeju mbeguekatúmaha ohóvo. Ysyry porá oñaniháicha ñane avañe'é oñemokoni umi káso ryepype, ndoguerekoietevoínte mba'érepa aipo oñepysangáta mba'e, upéicha rupínte ñanemoñapymi ipype ha ñandetira ijehe ku ijitakaru ramoguáicha.
Hasypeve mitá Chiríko Almáda rekovekue oñeñongatu kuatiápe, ko'á mba'e ko'ávare, ñemoñare pyahu oguereko mba'érepa ovy'áta ha avei hakate'ÿta hetáygua ñe'é ha arandu ka'at}rre. Ñamoñe'éramo mante jahechakuaáta mba'érepa Karai Chiríko ndoje'ói ni ndoje'omo'ái itavaygua ha hetáygua apytu'ügui.
