Gregorio Gómez imba'ekuaavoínte oikuaa rehe mba'éíchapa ogueroikéta hi'angapýpe hapicha remiandu sunu, ágâ upéguí katu ohykuavo haguâ umi puéta arandu ojapohaichaíte. Sa'i oiméne oi áichagua tembiapokue (che ndahecháiva gueterí voi ñane avañe'éme) oñembohysýihape ñe'époty ha ímoheñoíharevoi oñe'é ha omohesakátápe mba'éicha rupípa ombokuatía hemiandu osyrýva oúvo tetíygua ysyrýgui. Upéva upe mba'e añetehápe omoambue Ke'y Puku rembiapokuépe ha tuícha ave omombareteve iporokykue ipotypámava ñande resápe. Ke'y Puku niko petei ñe'éja, upéicha rupínteko oipyguara ha ombohykuesé ñane avañe'é, ikatu ja'e hese ñande juru tuichakue jave ha ñandahy'o osoropa peve hembiapo porála, opavave iñe'é potype hysýi rehe ñe'é añete, umi ojejapokóiva rehegua ñande rehe, ñandetyvyro katui ha ojapo ojaposéva ñandehegui.
